Fritz Stingl Hausbeng Songtext
Fritz Stingl Hausbeng Songtext
I sitz auf da Hausbeng
es is ruawig und voi klass
de Åmsln singan ma a Liad
momentan måcht s'Leb‘n fia mi koan Spaß
und i denk nåch wia des nu
weida geht und wird
Mei Zukunftsperspektive håt an Trauaflor am Oam
nix wås i ma vianimm geht ma auf
i steh kurz voam Åbgrund såg wo bin i denn dahoam
i kimm nimma vom Fleck, obwoi i lauf
I sitz auf da Hausbeng
es is ruawig und voi sche
a Traktor foat bei mir vorbei
s'Leb‘n des is schnö umma
wånn i geh, es foit koan auf
de meist‘n find‘n nix dabei
Aus de Aug‘n und aus‘n Sinn
da Nächste kimmt glei nåch
di håt‘s nu nia geb‘n, du gehst ned å
i steh kurz voam Åbgrund
bin i wiakle so a Schmåch
i kimm nimma vom Fleck, obwoi i fåhr
I sitz auf da Hausbeng
es is ruawig und voi klass,
de Åmsln singan ma a Liad
I horch ea zua und
s'Leb‘n måcht so vü Spass und i denk nåch
und daß wås weida geht und wird
De Zukunft låcht mi å und sågt
schau her, då is‘, ge hi‘
schnapp da‘s, tråg‘s so guat geht duri s'Leb‘n
i steh in da Wies‘n und i woas jetzt wo i bi‘
koa Ångst mehr he wås kå‘s denn schenas geb‘n
...wås kå‘s denn schenas geb‘n...