Songtexte.com.de

Greis I weiss i bi guet Songtext


Greis I weiss i bi guet Songtext
i weiss i bi guet
i weiss i bi guet
i weiss i bi guet
u lehre immer dezue
i weiss i bi guet
u bruche nur öpper wo a mi gloubt
de chani aues schaffe woni wott

i liebes weni so lang wi müglech cha blibe ligge
doch hüt fangi de Tag ah mit chli Zit für me
hüt geits mer eifach grundlos guet
u no chli dumm
wöui erst ire viertu Stung los muess
lise nes buech
loufe use id Sunne
u lose Musig
ja i gloube ads Guete
isch das nid e grossi Ussicht
loufe ume Egge
lässig i bi ne???
da chunnt e Frou
u fragt mi fründlech ob i nid Dä sig
si sig e Fän gsi u heig ihri Zit verschwändet
a mine Konzärt
doch heig ize gmerkt i sigi dr schlächtischt
vor ganze Wäut
u a de i heigi ächt Glück hett sis nur abeglade
wiu süsch wett si ihres Gäud zrügg
mini Songs sege nur e einzige Brei
i gumpi zwenig ume uf de Bühni
u heigi verseit
i loufe wäg
tja mer chas nie aune ächt mache
wes ihre nümme gfaut
naund hett si haut Päch gha

i weiss i bi guet
i weiss i bi guet
u lehre immer dezue
i weiss i bi guet
u bruche nur öpper wo a mi gloubt
de chani aues schaffe woni wott

i summ vor mi häre
Chopf ide Wuuche
Sunne im Gsicht
loufe um di nächsti Kurve
u stosse uf mini Ex
si seit so wi du hett mi ja no niemer verletzt
wie hesch du mi nume chönne verlah
du bisch der letscht
und wäh du wirsch immer wüeschter
ich cha der nur Päch ga wünsche
u das mi nümme liebsch
bewist eifach du bisch e schlächte Mönsch
i däm Momänt
chunnt grad no di nechscht Ex ume Egge
u gli steit e ganze Chor da
wo schreit i söu go verrecke
doch i nimmes locker
Päch we nüt aune rächt cha si
i weiss im innerschte ja glich
i bi e liebeswärte Siech
es chunnt scho guet
ich ga witer
bi chli entgeischtret
u triffe vor de Bäckerei per Zuefau mini Eutere
fö afah motze wäg de schlächte Note ir Primar
heige si geng scho dänkt
dasi de Penner oder Junkie wärd
i heig ne nur Sorge bereitet
u eifach als Sohn verseit
okay dasch eui meinig
aber dir sit ja beidi ou chli eiget

i weiss i bi guet
i weiss i bi guet
u lehre immer dezue
i weiss i bi guet
u bruche nur öpper wo a mi gloubt
de chani aues schaffe woni wott

Dehei erwarte mi au mini Fründe ufem Sofa
sie müesse mit mir rede
es sig unerträglich worde
i sig nümme luschtig
redi nur über Musig und Erfoug
i lehni Sache us u bringse nümme zrügg
es sig eso
si wöue nümm mit mir verchere
ds heige se gmeinsam entschiede
statt mir hänge si jett mitem Bligg
dä sig am Bode blibe
de Lütets ad Tür
u da stöh zwe Type mit ärnschter Miine
S sig es Missverständnis passiert
das aues sig gar nid für mi
i müess aues zrügg gäh
au mini Lieder u aui Prise
und Reparature zahle
Wasser u Strom inklusive
i flücht uf e Baukon
u dänke dsch iz chli blöd
u unge vorem Hus steit Gott
ufeme grosse wisse Töff
er luegt mi a u seit
Gregoire du bist ein Arschloch
spickt sini Zigarre uf mi Rase
u rast drvo

abe Sunne aues steit in Flamme
und i versueche nomau schüch zum Refrain azstimme

i weiss i bi guet
i weiss i bi guet
u lehre immer dezue
i weiss i bi guet
u bruche nur öpper wo a mi gloubt
de chani aues schaffe woni wott