Mani Matter Dr Kolumbus Songtext
Mani Matter Dr Kolumbus Songtext
dr Kolumbus isch ga fahre
het sech's nid lang überleit
het scho vor vierhundert jahre
nid druf glost was d'lüt hei gseit
dr Kolumbus möchti sy
aber leider gsehnig y
me isch für die grosse tate
eifach immer echli z'gschyd
lang tuesch hin und här berate
und drum machsch se zletscht halt nid
geng we me sech s'richtig überleit
merkt me dass's nid geit...
dr Napoleon isch zoge
bis nach Russland mit sim heer
hätt er d'sach genau erwoge
wär er z'korsika i d'lehr
dr Napoleon möchti sy
aber leider gsehn ig y
me isch für die grosse tate
eifach immer echli z'gschyd
lang tuesch hin und här berate
und drum machsch se zletscht halt nid
geng we me sech s'richtig überleit
merkt me dass's nid geit...
i zum bischpil hätt es liedli
chönne schreiben über das
won ig itz grad öich ha prichtet
grad e sones lied wie das
doch won i mers rächt ha überleit
hani gseh dass's gar nid geit